Timu ya taifa ya Tanzania bara ya wanawake Kilimanjaro Queens imevuliwa Ubingwa wa Michuano ya CECAFA kwa wanawake kwa kufungwa 2-0 dhidi ya Kenya katika mchezo wa fainali, hiyo ni baada ya kuwa Mabingwa mara mbili mfululizo.
.
Baada ya mchezo huo kocha mkuu wa Kilimanjaro Queens Bakari Shime aliongea sababu za kupoteza kuwa ni muauzi Nabada Shamira kutoka Uganda ndio aliharibu mchezo, lakini vipi mbona hakupanda kuchukua medali.
.
Magoli ya Kenya yalipatikana kipindi cha pili kupitia kwa Jentrix Shikangwa kwa mkwaju wa penati dakika ya 71 na goli la mwisho likafungwa tena na Jentrix dakika ya 88, baada ya golikipa wa Kilimanjaro Queens kuumia na kushindwa kuucheza mpira wa juu uliyopigwa na Jentrix.
.
Kenya ndio timu pekee katika michuano ya mwaka huu ambayo haijaruhusu kufungwa goli hata moja katika mashindano hayo, ikicheza jumla ya michezo mitano Kenya 2-0 Ethiopia, Kenya 5-0 Djibout, Kenya 3-0 Uganda, Kenya 5-0 Burundi na Tanzania 0-2 Kenya.
.
VIDEO:BAADA YA KUPOTEZA FAINALI KOCHA WA TANZANIA KUTOA POVU KWA MUAMUZI
https://youtu.be/ajhPj1FhRx8
