Timu ya Ipswich Town ambayo ilipandishwa ngazi kwenye ligi kuu Uingereza msimu 2024/25 ilipata ushindi wao wa kwanza katika ligi hiyo kwa miaka 22.
Ipswich walipata ushindi huo dhidi ya Tottenham, ushindi wa 2-1 katika pambano la kuwania ligi hiyo mnamo jumapili ya tarehe 10 Novemba wakiwa ugenini.
Ipswich ambao kwa sasa wanashikilia nafasi ya 17 wakiwa na alama 8 walipata ushindi huo muhimu huku mashabiki pamoja na wachezaji wa timu hiyo wakidondokwa na machozi ya furaha kuona hatimaye timu hiyo imeandikisha ushindi hasa dhidi ya klabu kubwa kama Tottenham.
Kocha wa timu hiyo Kieran McKenna aliwapongeza vijana wake baada ya kuonyesha mchezo wa haiba na hatimaye kuzoa ushindi muhimu katika historia ya timui hiyo.
Aidha, upande mwingine klabu ya Tottenham ambayo ilitabiriwa kupata ushindi baada ya kuwa na mchezo mzuri hasa baada ya kuinyorosha Aston Villa mabao 4-1 juma lililopita.
Mara ya mwisho timu ya Ipswich kupata ushindi ilikuwa ni mwaka wa 2002 wakichuana na Middlesborough, ushindi wa 1-0.
Ipswich ambao wamecheza katika ligi ya daraja la pili katika ligi hiyo kwa miaka 22 bila kupandiswa ngazi, hatimaye waliona mwangaza msimu huu baada ya kupandishwa ngazi baada ya kumaliza nafasi ya pili wakiwa na alama 96 nyuma ya Leicester City.
