Rais Dk. John Magufuli, amemtaka Waziri mpya wa Wizara ya Habari, Utamaduni, Sanaa na Michezo, Innocent Bashungwa kuhakikisha sekta ya michezo inapiga hatua ikiwemo timu ya Taifa ‘Taifa Stars’ kuachana na utamadunia wa Simba na Yanga.
Rais Magufuli ametoa kauli hiyo leo Desemba 9,2020 wakati akiwaapisha Mawaziri 21 na Manaibu 23 katika hafla iliyofanyika Ikulu jijini Dodoma.
”Bashungwa tumekupeleka Wizara ya Michezo ili tukacheze kweli, tumekupeleka huko tunataka tukashinde kweli, tukienda kucheza tukafungwa sijui magoli 10 mtaondoka wote Waziri na Naibu Waziri” Rais Magufuli
”Tunataka tuwe na timu ya taifa inayoshinda na mambo ya kwenda na Simba na Yanga tu tumechoka inawezakana umefika wakati tuwe na timu ya taifa ambayo haina uhusiano na Simba na Yanga,” Rais Magufuli.
