Mabingwa watetezi wa Ligi Kuu Tanzania bara msimu wa 2018/2019 Simba SC leo December 19 2018 wamecheza game yao ya kwanza ya kiporo ya Ligi Kuu Tanzania bara, baada ya kutocheza game za Ligi Kuu kwa wiki mbili kutokana na kushindwa kucheza kwa kubanwa na ratiba ya game za Club Bingwa Afrika.
Simba SC leo wamechea dhidi ya KMC ya Kinondoni, kocha wao Patrick Aussems akiamua kuchezesha wachezaji wake wa akiba katika mchezo huo, hiyo ni kutokana kukabiliwa na mchezo mgumu wa marudiano wa round ya kwanza ya michuano ya club Bingwa Afrika siku ya Jumapili ya December 23 2018 dhidi ya Nkana Red Devils ya Zambia.
Game dhidi ya KMC zikiwa ni game zao kati ya nne za Ligi Kuu za viporo wamefanikiwa kupata ushindi wa magoli 2-1, magoli ya Simba yakipatikana kupitia kwa Adam Salamba dakika ya 12 na Said Ndemla dakika ya 24, wakati goli pekee la KMC likifungwa na James Msuva dakika ya 68 akiwa kaingia kutokea benchi.
James Msuva ni ndugu wa damu na Simon Msuva anayecheza soka la kulipwa katika club ya Difaa El Jadid ya Morocco, SImba sasa wanafikisha jumla ya point 30 wakiendelea kusalia nafasi ya tatu huku wakiwa na viporo vitatu, wakati KMC wakiendelea kuwa nafasi ya 9 kutokana na kupoteza game hiyo, Simba sasa wanakabiliwa na mchezo dhidi ya Nkana Jumapili December 23.
MO Dewji alivyojitokeza Taifa kwa mara ya kwanza baada ya siku 49 toka atekwe
