Club ya Dar es Salaam Young Africans February 20 2019 ilicheza mchezo wake wa Ligi Kuu Tanzania bara dhidi ya Mbao FC katika uwanja wa CCM Kirumba Mwanza, Yanga wanaoongoza Ligi Kuu Tanzania bara waliingia uwanjani wakiwa na kumbukumbu mbaya dhidi ya Mbao katika uwanja huo.
Yanga ilikuwa haijawahi kushinda wala kufunga goli katika uwanja wa CCM Kirumba dhidi ya Mbao FC. leo Yanga wamefanikiwa kuvunja rekodi yao hiyo mbovu baada ya kuifunga Mbao FC kwa magoli 2-1, magoli ya Yanga yakifungwa na Heritier Makambo dakika ya 49 na Amissi Tambwe kwa mkwaju wa penati dakika ya 68.
Mbao FC licha ya kupata goli la mapema la utangulizi dakika za nyongeza kipindi cha kwanza kupitia kwa Ndaki Robert, Yanga sasa wanafikisha jumla ya point 61 katika michezo yao 25 huku wakifuatiwa na Azam FC wakati Mbao FC wakiendelea kusalia na point zao 36 wakicheza michezo 27.
Kocha wa Yanga Mwinyi Zahera kataja walichozidiwa wachezaji wake na Simba
