Taarifa kutoka Uganda ambayo imeanza kuripotiwa mitandaoni na kwenye vyombo vya habari siku ya leo March 17 inahusu msiba wa msanii AK47 ambaye alikuwa akiimba muziki wa Reggae.
AK47 ni mdogo wa staa wa muziki Uganda, Jose Chameleone.. taarifa za awali ni kwamba msanii huyo amefariki jana baada ya kuanguka bafuni.
Ripota wa millardayo.com kutoka Kampala Uganda yuko msibani, ametufahamisha kwamba familia imetoa ratiba ya msiba huo, leo mwili wa Marehemu utakuwa National Theatre ili watu mbalimbali wapate nafasi kutoa heshima za mwisho, kesho baada ya kufanyika ibada msiba utakuwa nyumbani kwa baba wa msanii huyo kusubiri ndugu wa Marehemu waliopo nje ya nchi kufika ili kupanga ratiba ya mazishi.
Hapa kuna picha toka Uganda msibani Uganda.
#RIP Mtu wetu Emmanuel Mayanja aka AK47
Hautopitwa na stori yoyote inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>>twitter Insta Facebook
