Rais wa Makampuni ya GSM Ghalib Said Mohamed maarufu GSM ambaye pia ni Mwekezaji kwenye Club ya Yanga, amempongeza Rais wa Club hiyo Injinia Hersi Said kwa kuchaguliwa kuwa Kiongozi wa Chama kipya cha Vilabu vyote Afrika – African Clubs Association (ACA) cheo ambacho sasa kinamuingiza moja kwa moja kwenye CAF Executive Commitee.
Katika mahojiano maalum ya GSM na @AyoTV_ jioni hii, Ghalib ameeleza yafuatayo kwa furaha “Leo ni siku ya furaha sana kwangu na Watanzania wenzangu, hili sio jambo dogo hata kidogo…. Rais wa Club ya Tanzania (Yanga) kuchaguliwa kuwa Mwenyekiti wa Club zote za Afrika, ameiheshimisha na kuzidi kuitangaza Tanzania duniani, hii ni hatua nyingine kubwa na kuendelea kuifungulia dunia Tanzania”
Kikao hicho kilichohudhuriwa na Viongozi mbalimbali walioshiriki kuizindua rasmi African Clubs Association (ACA) na Kumchagua kiongozi wao wa kwanza ambaye ni Hersi, kimefanyika Jijini Cairo Nchini Misri.
