UMG katika taarifa iliyotolewa Jumatatu, ilisema mpango huo unasalia chini ya idhini ya udhibiti na unatarajiwa kufungwa mwishoni mwa 2024.
Kampuni ya uwekezaji ya Kupanda Capital itasalia kuwa mwekezaji mdogo na mshauri wa kimkakati katika biashara mara tu shughuli itakapofungwa,
Mkataba huo utawafanya mwanzilishi na Mkurugenzi Mtendaji wa Mavin Don Jazzy na COO Tega Oghenejobo waendelee kuiendesha kampuni hiyo.
“Vigezo vyetu vya kutambua washirika ni moja kwa moja: wasanii wakubwa, wafanyabiashara wakubwa, watu wazuri,” bosi wa UMG Sir Lucian Grainge alisema.
“Pamoja na Don Jazzy, Tega, timu ya Mavin Global, na orodha ya wasanii wao, tumepata washirika bora ambao tunaweza kukua pamoja.”
Ikumbukwe kwamba mnamo Oktoba 2023, Billboard iliripoti kwamba Mavin Records “inatafuta uwekezaji au inatazamia uwezekano wa mauzo kamili kwa zabuni kutoka kwa Universal Music Group, HYBE na maslahi makubwa kutoka kwa wawekezaji wa mali ya muziki katika sekta ya fedha, kulingana na vyanzo.”
Katika mahojiano ya podikasti mnamo Januari 2024, Mkurugenzi Mtendaji wa Mavin, Don Jazzy alithibitisha kwamba lebo hiyo ilikuwa ikichungwa na wawekezaji wa kigeni.
