Urusi ilijitolea kuisaidia Vietnam kuendeleza vinu vya nyuklia wakati wa safari ya Rais Vladimir Putin huko Hanoi, Alexei Likhachev, mkuu wa kampuni ya nyuklia ya Urusi Rosatom aliliambia shirika la RIA katika hotuba iliyochapishwa Jumatatu.
Likhachev, ambaye alikuwa sehemu ya msafara wa Putin wakati wa ziara yake nchini Vietnam wiki iliyopita, alisema kuwa ametoa ofa hiyo kwa Waziri Mkuu wa Vietnam, Pham Minh Chinh.
“Tulitoa chaguzi zote zinazowezekana za ushirikiano … katika mazungumzo yangu na waziri mkuu wa Vietnam,” RIA ilimnukuu Likhachev akisema.
“Rosatom inatoa washirika wa kigeni sio tu nguvu ya juu, lakini pia mitambo ya nguvu ya chini ya nyuklia, katika matoleo ya ardhi na yanayoelea.”
Vietnam haina vinu vya nyuklia na ilifuta mipango ya kujenga vinu vyake viwili vya kwanza vya nyuklia mnamo 2016 kufuatia maafa ya Fukushima huko Japan na kwa sababu ya ufinyu wa bajeti.
Kabla ya Vietnam kughairi mipango yake ya kujenga mitambo hiyo, Rosatom alikuwa ameipa Hanoi mradi unaotegemea vitengo vya nguvu ya juu na vinu vya hali ya juu vya Urusi, Likhachev alisema.
Katika ziara hiyo, ambapo Putin alipokea salamu 21 za bunduki katika sherehe za kijeshi, Urusi na Vietnam zilitia saini makubaliano kuhusu masuala ya nishati, ikisisitiza muhimili wa Moscow kwa Asia baada ya nchi za Magharibi kuiwekea vikwazo Moscow kutokana na mzozo wa Ukraine.
