Wachezaji wa timu ya Taifa ya Ujerumani wameutoa ushindi wao waliopata wa mabao 4-0 dhidi ya Ureno kwa bingwa wa mashindano ya magari ya F1, Michael Schumacher ambaye ametoka hospitali baada ya kuwa kwenye coma kwa muda mrefu.
Bingwa huyo wa mbio za magari ameruhusiwa kutoka hospitali na sasa si mahututi tena kwa mujibu wa familia yake.
Schumacher mwenye umri wa miaka 45 alipata majeraha makubwa ya kichwa kutokana na ajali mbaya aliyopata.
Familia yake imetoa shukrani kwa watu wote waliokuwa wakituma ujumbe wa kumtakia apone haraka na kusema hiyo imemsaidia sana ambapo pia imewashukuru wauguzi wa hospitali ya Grenoble, Ufaransa kwa kazi nzuri ya kusaidia kuimarisha afya yake.
Ungependa stori kama hizi zisikupite na zikufikie wakati wowote? niko tayari kukutumia wakati wowote iwapo utajiunga na mimi kwa kubonyeza >>> Twitter Instagram facebook na kupata pichaz, video, stori na mengine yote ya hii dunia.
