Louis van Gaal ni kocha wa Manchester United anafahamika kwa kuwa miongoni mwa makocha wanaosimamia maamuzi yao, Van Gaal huwa akiamua kitu ni ngumu kubadili maamuzi akisema ndio ni ndio hakuna atakaye badili maamuzi yake.
Kama unakumbuka vizuri Louis van Gaal alikuwa anataka golikipa wake David De Gea asiondoke Man United ila baada ya kuona hakuna dalili za golikipa huyo kuonyesha dhamira yake ya kuwa Man United licha ya kuwa kipa huyo hakusema chochote, Van Gaal aliamua kuwaambia bodi ya Man United imuuze kipa huyo kwani yupo Man United lakini akili yake ipo Real Madrid klabu ambayo imeonyesha dhamira ya kumtaka kwa kiwango kikubwa.
August 13 Van Gaal amedhiirisha kuwa haitaji tena huduma ya golikipa huyo katika klabu ya Man United kwani baada ya kumuacha katika kikosi kilicho cheza na Tottenham Hotspurs wiki iliyopita aliulizwa vipi katika mchezo dhidi ya Aston Villa atajumuishwa kikosini.
“Hapana itakuwa kama ilivyokuwa awali tayari nilishalizungumzia suala hilo”>>>Van Gaal
Klabu ya Man United ilikataa kumuuza De Gea katika klabu ya Real Madrid ya Hispania kwa ada ya uhamisho pound milioni 32.6 ada ambayo ingeweka rekodi ya usajili kwa golikipa. Hata hivyo moja kati ya maafisa wa juu wa klabu hiyo wamethibitisha kuwa na furaha ya kusitisha mkataba wa golikipa huyo.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
