Mshambuliaji wa Nigeria Victor Osimhen amewasili Istanbul, Türkiye, kukamilisha mazungumzo ya uhamisho kutoka Napoli hadi Galatasaray SK.
Galatasaray inakusudia kumuongeza Osimhen kwenye kikosi chake kufuatia kumalizika kwa Ligi Kuu ya Uingereza na dirisha la uhamisho la Saudia ambalo lilishindwa kumpata mshambuliaji huyo mwenye umri wa miaka 25.
Video zinazosambazwa kwenye mitandao ya kijamii zinaonyesha Osimhen akiwapungia mkono mashabiki waliobeba bendera waliofika kwenye uwanja wa ndege kumkaribisha Jumatatu usiku.
“Victor Osimhen yuko Istabul,” ilisoma chapisho kutoka Galatasaray kwenye X.
“Hali ya anga ni nzuri. Mashabiki bora zaidi duniani wako hapa. Inapendeza kuwa hapa. Nimefurahiya sana. Siwezi kungoja kuwaona mashabiki uwanjani. Nitawafanyia bora.” Oshimen alisema katika hotuba fupi kwenye uwanja wa ndege.
Mshambuliaji huyo aliondoka uwanjani kwa gari la kibinafsi akiwa na Naibu Mwenyekiti wa Galatasaray Sportif AŞ İbrahim Hatipoğlu na Mkurugenzi wa Soka Cenk Ergün.
