Jesca Magufuli ambaye ni Mtoto wa Rais wa awamu ya tano Dkt. John Pombe Magufuli amesema Baba yake alikuwa ni mpenda maendeleo na mwenye kutanguliza maslahi mapana ya Nchi yake huku akimshukuru Rais Dkt. Samia Suluhu Hassan kwa kuendeleza mazuri yaliyoanzishwa na JPM na pia kusimama na Familia hiyo baada ya kifo cha Baba yao.
Amesema hayo leo March 17,2024 wakati akitoa shukrani kwa niaba ya Watoto katika Misa Takatifu ya kumuombea Hayati Dkt. Magufuli Wilayani Chato “Namshukuru Muumba wetu kwa kutupa kibali cha kukutana hapa leo, namshukuru Mh. Rais kwa kusimama na sisi , namshukuru Mama yetu Mama Janeth kwa kuisimamia vema safari yetu huku akibeba majukumu ya Baba na yake kama Mama wa Familia , tunakupenda sana Mama yetu”
“Baba yetu alikuwa Mume bora kwa Mama wetu, Baba kwa Watoto wake, Babu kwa Wajukuu na Kiongozi kwa Nchi yake, Baba yetu alikuwa mpenda maendeleo na mwenye kutanguliza maslahi mapana ya Nchi yake”
