January 18 uongozi wa klabu ya Inter Milan ya Italia imetangaza maamuzi mapya iliyofikia kwa beki wa zamani wa Man United aliyejiunga na Inter Milan mwaka 2014 Nemanja Vidic. Inter Milan wametoa waraka January 18 kuwa wamevunja mkataba na beki huyo wa kimataifa wa Serbia.
Inter Milan wamefikia maamuzi ya kuvunja mkataba na Vidic baada ya kufanya mazungumzo na mchezaji huyo na kufikia makubaliano, Vidic ambaye amejiunga na klabu ya Inter Milan mwaka 2014 akitokea Man United alikodumu kwa miaka nane, ameshindwa kutamba na Inter Milan baada ya kuandamwa na majeruhi kila wakati.
Vidic akiwa ndani ya Inter Milan amefanikiwa kuitumikia michezo 28 msimu uliopita, wakati akiwa Man United anahesabika kama nguli, akiwa ndani ya Man United Vidic amecheza jumla ya mechi 300 katika kipindi cha miaka nane na amefanikiwa kutwaa mataji 10 ila ameshindwa kutamba na Inter kutokana na majeruhi.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
