Ripoti za hivi karibuni kutoka kwenye vituo vya kudhibiti na kuzuia magonjwa zimeonesha kuwa watoto na vijana nchini Marekani wanakufa kutokana na mauaji yanayohusiana na bunduki na kujiua kwa idadi iliyorekodiwa.
Kulikuwa na mauaji ya bunduki 2,279 kwa watoto na vijana (umri wa miaka 1 hadi 18) mnamo 2021 – mara mbili ya idadi ya vifo vilivyorekodiwa muongo mmoja kabla, kulingana na hifadhidata ya WONDER ya CDC.
Idadi ya watu wanaojiua kwa kutumia bunduki pia iliongezeka kwa 11% tangu kuanza kwa janga la Covid-19 mnamo 2020.
Sio watoto wote, hata hivyo, wako katika kiwango sawa cha hatari.
Watoto weusi na vijana wana uwezekano mkubwa wa kuuawa katika matukio yanayohusiana na silaha kuliko watoto wa jamii nyingine.
Watoto 17 kati ya 100,000 weusi walikufa kwa bunduki mwaka wa 2021, ikilinganishwa na takriban 3 kati ya watoto 100,000 Weupe au 1 kati ya watoto 100,000 wa Asia, kulingana na data ya CDC.
Silaha zimekuwa chanzo kikuu cha vifo vya watoto na vijana tangu 2020, kulingana na data ya CDC. Kupita ajali za gari na saratani, vifo vinavyohusiana na bunduki vilichangia karibu 19% ya vifo vya watoto mnamo 2021.
