Wachezaji wa Al Nassr kuadhimisha siku ya kitaifa ya Saudia kitofauti

Wakiwa wamevalia mavazi ya kitamaduni na wakiwa wamebeba panga za Uarabuni, nyota wa soka Cristiano Ronaldo na wachezaji wenzake wa Al Nassr wamejiandaa kuadhimisha Siku ya Kitaifa ya Saudia mwaka huu.

Ufalme utaadhimisha Siku yake ya Kitaifa ya 93 mnamo Septemba 23.

Kuadhimisha tukio hilo, klabu ya Al Nassr ilitoa filamu fupi siku ya Ijumaa, iliyoigiza wachezaji wao – akiwemo mchezaji nyota wa Ureno Ronaldo na winga wa zamani wa Liverpool Sadio Mane.

Katika klipu ya video iliyosambazwa sana, Ronaldo na wachezaji wenzake wanaonekana wakiwa wamevalia thobe, ghutra na igal, wakishiriki katika densi ya Saudi al-Ardah.

Tamasha la kitamaduni linajumuisha dansi, upigaji ngoma na ukariri wa mashairi na kuashiria mwanzo na mwisho wa matukio mashuhuri, kama vile matukio ya kidini au sikukuu za kitaifa, harusi, siku za kuzaliwa, sherehe za kuhitimu na matukio mengine ya sherehe.

Al-Nassr itamenyana na Al-Ahli katika mchezo ambao ni lazima washinde siku ya Ijumaa, Septemba 22, kulingana na Transfermarkt.

Tazama hapa…