Baada ya kuwa na taharuki kila kona duniani kutokana na kuenea kwa virusi vya corona ambavyo vinaambukizwa kwa njia ya hewa, Italia ndio nchi ya Ulaya ambayo imeripotiwa moja kwa moja kuingia kwa ugonjwa huo, kufuatia hofu hiyo mamlaka Italia wametaka kuwapima wachezaji wa FC Barcelona corona kabla ya kucheza na Napoli.
Barcelona wanaanzia ugenini kucheza mchezo wao wa 16 bora ya UEFA Champions League dhidi ya Napoli, kutokana na virusi hivyo kuingia Italia katika mji wa Milan kiasi cha kupelekea baadhi ya michezo ya Serie A kuahirishwa kwa hofu kukwepa maambukizi, Napoli wameanza kuchukua tahadhari kwa kuhakikisha zinawapima kila mgeni anayeingia katima mji wao.
Inadaiwa kuwa hadi sasa Italia wamegundulika wagonjwa 19 wa corona, Barcelona wakiwasili katika mji wa Naples watapita katika kipimo maalum kinachopima joto la mwili kitakachofanya wajue kama kweli wako sawa au ni waathirika wa virusi vya corona, kipimo hicho sio tu kwa ajili ya wachezaji wa Barcelona bali abiria wote watakaokuwa wanaingia Naples.
VIDEO: ZAHERA AIPA UBINGWA SIMBA, AELEZA HATMA YA LUC EMAEL NDANI YA YANGA
