Watawala wa kijeshi wa Niger wamemtaka mkuu wa ujumbe wa kidiplomasia wa Umoja wa Mataifa nchini humo kuondoka ndani ya saa 72.
Katika taarifa ya tarehe 10 Oktoba, wizara ya mambo ya nje ya Niger inashutumu Umoja wa Mataifa kwa kutumia “vikwazo”, kuzuia taifa hilo la Afrika Magharibi kushiriki kikamilifu katika Mkutano Mkuu wa Umoja wa Mataifa mwezi uliopita.
Madam Louise Aubin amekuwa wadhifa huo tangu Januari 2021.
Wakati wa kikao cha 78 cha Baraza Kuu la Umoja wa Mataifa kilichofanyika mwezi Septemba, mwakilishi wa Niger ambaye awali alipangwa kuchukua nafasi hakufanya hivyo.
Kulingana na chanzo cha kidiplomasia kilichotajwa na AFP, shirika hilo lilipokea maombi mawili yanayoshindana kuhutubia mkutano huo: moja kutoka kwa watawala wa kijeshi na moja kutoka kwa serikali iliyopinduliwa.
Wakati huo, viongozi hao wa kijeshi walikosoa “vitendo vya kihuni” vya Katibu Mkuu wa Umoja wa Mataifa Antonio Guterres, wakimtuhumu kwa kuwazuia kushiriki katika Baraza Kuu la baraza hilo.
Kamati hiyo yenye wajumbe 9 inaripoti kwa Bunge kuhusu sifa za wawakilishi.
Chombo hicho kwa mfano kimeahirisha mara kadhaa maamuzi yake kuhusu Burma na Afghanistan. Nchi hizo mbili bado zinawakilishwa katika Umoja wa Mataifa na mabalozi wa serikali za zamani.
