Watu 11 wakiwemo raia watatu wa kigeni wamefariki dunia na wengine wawili kujeruhiwa na kukimbizwa hospitali ya Misheni ya Bwagala kwa matibabu baada ya kutokea kwa hitilafu ya umeme katika kiwanda cha Sukari cha Mtibwa wilayani Mvomero mkoani Morogoro.
Kwa mjibu wa Kamanda wa zimamoto na uokoaji Mkoa wa Morogoro, Shabani Marugojo amesema tukio hilo limetokea Saa 7:30 Usiku kuamkia leo Mei 23, 2024, huku chanzo bado hakijafahamika
“kulitokea hitilafu katika mtambo wa mvuke wa kuzalisha umeme Waliofariki ni Wataalamu wa Umeme na Mitambo ambao walikuwa kwenye chumba cha kudhibiti mitambo hiyo” amesema Kamanda huyo
Amesema kati ya waliofariki kuna Raia watatu wa kigeni kutoka Kenya, India na Brazil ambapo miili ya wote waliopoteza Maisha imehifadhiwa Hospitali ya Mtibwa Sugar huku majeruhi wawili wakiwa wanapatiwa matibabu katika Hospitali ya Misheni ya Bwagala.
