Waziri wa Habari, Mawasiliano na Teknolojia ya Habari, Nape Nnauye amehoji kuhusu baadhi ya Wabunge kuchangia hoja zao kwa kusema “Nchi inakufa” ambapo amesema hata kama matatizo yapo kweli hayajafikia kiwango cha kusema hivyo.
Nape amewaomba Wabunge wasifike hatua ya kusema hivyo kwa kuwa kuna kazi kubwa imefanywa na Rais Dkt. Samia Suluhu Hassan ikiwemo miradi yote inaendelea hakuna uliosimama na kuna fedha zipo Majimboni.
“Jamani tusifike huko, nasema tujadilini wizi, tutafute suluhisho tusilete ushabiki, sisemi kwamba mambo ni mazuri kabisa, matatizo yapo kweli Wabunge wana haki ya kuwa wakali lakini hoja yangu matatizo hayo hayajatupeleka kwenye kiwango cha nchi inakufa”
