West Ham wamefikia makubaliano na Manchester City kumsajili Kalvin Phillips kwa mkopo.
Phillips amecheza mechi 31 pekee kwa City tangu uhamisho wa pauni milioni 45 kutoka Leeds Julai 2022 na Pep Guardiola alikiri mwezi Desemba kwamba hawezi kumfikiria kiungo huyo wa kati wa Uingereza katika timu yake.
Mchezaji huyo mwenye umri wa miaka 28 sasa anaonekana kuwa tayari kuondoka Etihad kwa muda ingawa kuna chaguo la kujiunga na Wagonga nyundo kabisa.
Phillips anarejea leo kutoka kambi ya mazoezi ya hali ya hewa ya joto ya Manchester City huko Abu Dhabi akiwa na wachezaji wengine wa timu hiyo na uchunguzi wa kimatibabu unatarajiwa kufanyika wiki hii.
