Hivi sasa tunaelewa kwamba wamekubali mkataba wa pauni milioni 34 na wababe hao wa Uholanzi kumnunua mchezaji huyo wa kimataifa wa Mexico.
Mchezaji huyo mwenye umri wa miaka 25, ambaye alikuwa akihusishwa na kuhamia Borussia Dortmund, anatarajiwa kufanyiwa vipimo vya afya wiki hii.
West Ham United wamefikia makubaliano ya mdomo na Ajax kumsajili Edson Alvarez kwa takriban €40million (£34.4m) pamoja na bonasi.
Mara tu mkataba huo utakapokamilika, Alvarez atapewa ruhusa ya kufanyiwa uchunguzi wa kimatibabu na West Ham na kukamilisha mapendekezo ya kandarasi ya miaka mitano.
The Athletic iliripoti mwezi uliopita kwamba West Ham iliwasiliana na Ajax kueleza nia ya kumsajili kiungo huyo mwenye umri wa miaka 25 huku wakipania kuimarika kufuatia uhamisho wa Declan Rice kwenda Arsenal.
Alvarez, ambaye alijiunga na Ajax mnamo 2019, ameshinda taji la Eredivisie mara mbili na Kombe la Uholanzi mara moja.
