Ni Mei 18, 2023 ambapo Rais wa Jamhuri ya Muungano wa Tanzania , Samia Suluhu Hassan alishiriki shughuli ya Uzinduzi wa minara ya DTT katika ofisi za Azam Media Limited.
Miongoni yaliyojiri ni Rais Samia kuzungumzia timu ya Young Africans kuingia katika Fainali za kombe la Shirikisho Afrika kwa kuitoa Marumo Gallants ya Afrika Kusini kwa ushindi wa jumla (aggregate) 4-1 ametangaza ahadi nono.
Rais Samia ametangaza kuwa hatua ya fainali sasa atatoa Tsh milioni 20 kwa kila goli ila timu utoke na ushindi lakini kubwa ametangaza kuwa atatoa ndege kutoka Dar es Salaam hadi Algeria kwenda kucheza mchezo wa marudiano dhidi ya USM Alger Juni3 2023.
“Nilianza na mechi hizi na milioni 5 kwa kila goli la ushindi, waliposogea nikasema sasa milioni 10 kwa kila goli la ushindi, tunapokwenda fainali ni milioni 20 kila goli timu ikitoka na ushindi sio kafunga moja kafungwa mbili zaidi ya hapo serikali itatoa ndege kuwapeleka katika mchezo wa fainali itabeba wachezaji pamoja na mashabiki”>>> Rais Samia
