Timu ya taifa ya Tanzania Taifa Stars leo Jumanne ya October 16 2018 itacheza mchezo wake wa marudiano wa michuano ya kuwania kufuzu kucheza mataifa ya Afrika 2019 nchini Cameroon dhidi ya Cape Verde, huo utakuwa ni mchezo muhimu na utaleta matumaini kwa Taifa Stars.
Taifa Stars ambayo mchezo wake wa kwanza ilicheza mjini Praia dhidi ya Cape Verde na kupoteza kwa magoli 3-0, hivyo ikasalia nafasi ya nne kwa tofauti ya magoli dhidi ya Lesotho waliopo nafasi ya tatu kwa kutofautiana magoli ya kushinda na kufungwa.
Kufuatia mchezo huo msanii wa Bongofleva Madee na msanii mwenzake Joti wameiomba TFF kuufanya mchezo huo bure ili kuleta watu watakaoipa hamasa timu, kama ilivyofanywa kwa Kenya katika mchezo dhidi ya Ethiopia ambapo mashabiki waliingia bure, Madee kaandika hivi kupitia twitter account yake.
“Ningekua ninamamlaka uko TFF game yakesho ingekua bure tu..nadhani kwa mechi ya kesho atuitaji mapato,tunaitaji point tatu!!”
“Simba tumewaachia, sisi hatuna presha”-Kocha wa Yanga
