VIDEO: Kinda wa kitanzania alivyopokelewa na kuanza majaribio Besiktas

Mchezaji kinda wa kitanzania Rabbin Sanga kutoka kituo cha soka cha Bom Bom SC amefanikiwa kuanza salama majaribio yake ya siku 10 katika kikosi cha timu ya vijana ya Besiktas ya Uturuki, Rabbin ameanza mazoezi jioni ya leo na wachezaji wenzake ambapo ushirikiano ulikuwa mkubwa.

Rabbin Sanga aliyeambatana na mwenyekiti wa kamati ya Ndondo Cup Shaffid Dauda, alipata nafasi hiyo ya kwenda kufanya majaribio Besiktas baada ya kuibuka mchezaji bora wa michuano ya Ndondo Cup Academy iliyokuwa inahusisha vijana wenye umri chini ya miaka 16.

Michuano ya Ndondo Cup mwaka jana ilikuwa inadhaminiwa na kampuni ya beko ambao ni wadhamini wakuu wa club ya Besiktas hivyo waliahidi mchezaji bora wa michuano hiyo kupewa zawadi ya kufanya majaribio katika club ya Besiktas na kama atafuzu basi atasalia katika timu hiyo.

 

View this post on Instagram

 

Leo Rabbin Sanga ameanza majaribio yake kwenye klabu ya @Besiktas ikiwa ni siku ya kwanza. Sanga amepokelewa vizuri na kufanya mazoezi na timu ya cijana wenye umri wa miaka 16 baadaye wakawapisha vijana wenye miaka chini ya 15 na wakamaliza vijana wa chini ya miaka 14. Ameanza vizuri pamoja na kwamba hakukuwa na mchezaji yeyote mwingine mwenye asili ya Afrika lakini Sanga aliweza kushirikiananao vizuri wakamfahamu jina na wakawa wanaita wakati wa kupeana pasi. Baada ya kumaliza mazoezi ya siku ya kwanza, mmoja wa wenyeji wetu katika kituo hicho amesema hakuanza vibaya, ameanza vizuri tofauti na vijana wengine ambao wanafika katika kituo hicho. Hali ya hewa ya baridi ilikua changamoto kidogo lakini ustadi wake wa kupiga pasi na kumiliki mpira umethibitisha hakuchaguliwa kwa bahati mbaya kuwa mchezaji bora wa #NdondoCupacAdemy Kesho anaingia siku ya pili ya majaribio. #NdondoCupAcademy @beko @ndondo_cup @drfa_Tanzania @shadakasports

A post shared by SHAFFIH DAUDA 🇹🇿 (@shaffihdauda) on Feb 4, 2019 at 1:38pm PST

Michael Wambura sasa kumpeleka Mahakamani Wallace Karia wa TFF