Ufafanuzi wa TRA kuhusu ongezeko la thamani kwenye huduma za kifedha

Baada ya Bunge la Tanzania kupitisha marekebisho ya sheria ya kodi ya ongezeko la thamani ‘VAT’ ya mwaka 2014 kuanzia July 01 2016 kwenye huduma za kifedha kwa kurekebisha kifungu cha 13 cha jedwali la msamaha wa kodi. 

Mamlaka ya mapato Tanzania ‘TRA imetoa ufafanuzi kuhusu taarifa za upotoshaji kuhusu marekebisho hayo ya sheria. Leo July 01 2016 Kamishna mkuu wa mamlaka ya mapato Tanzania ‘TRA’, Alphayo Kidata amezungumza na waandishi wa habari na kusema 

>>>kuna taarifa ambazo si za kweli zinazoenezwa kupitia mitandao ya kijamii kuwa VAT itatozwa kwanye amana ya mwenye fedha kwenye benki. Hii siyo kweli, ukweli ni kuwa kiasi cha VAT kitakachotozwa ni asilimia 18 ya kiasi  cha gharama ya huduma iliyotolewa na benki au taasisi yoyote ya fedha.

Kidata ameeleza mfano huu………>>>Ada ya hudum ya benki ambayo mteja ametozwa ni sh 1000 kodi ya ongezeko la thamani itakayotozwa kwenye kiasi hiki ni sh 152.50 tu na benki kubaki na sh 847.50 kiwango hicho cha sh 152.50 ndicho kitakachorejeshwa serikalini na benki au taasisi ya fedha baada ya kupunguza kodi ya ongezeko la thamani iliyolipwa kwenye manunuzi ambayo yamefanywa na benki au taasisi ya fedha husika.

TRA imezitaka benki na taasisi za fedha zilizoamua kwa makusudi kutoa taarifa zisizosahihi kwa umma kuacha mara moja vinginevyo hatua kali zitachukuliwa, aidha imeziagiza benki na taasisi zinazohusika kurekebisha mara moja taarifa walizokwishazisambaza ili zibebe maudhui sahihi ya marekebisho ya sheria hii.

#MillardAyoUPDATES Mamlaka ya mapato Tanzania ‘TRA’ imetoa ufafanuzi kuhusu kodi ya ongezeko la thamani kwenye huduma za kifedha kuwa marekebisho ya sheria ya mwaka 2014 yaliyopitishwa na bunge yanayolenga kutoza kodi la ongezeko la thamani kwa kiwango cha 18% kwenye ada ambazo benki inatoza wateja wake kwenye huduma mbalimbali zitolewazo na benki au taasisi za fedha. TRA wamesema taasisi za fedha wanapoongeza makato ya miamala ya fedha wanakosea kwa kupandishia wananchi kwa kuwa sheria hiyo inahusu fedha ambayo mwanachi alikuwa anakatwa na taasisi hizo ambayo hapo mwanzoni zilikuwa azilipiwi kodi kwa hiyo hizo ndizo zitakazokatwa 18%. Mfano kama umetoa fedha ukakatwa 1000 na taasisi ya fedha ilikuwa haikatwi kodi lakini kwa sheria hiyo ada hiyo ndio itakatwa 18% na sio mwananchi kuongezewa makato kama ilivyofanyika kwa baadhi ya taasisi za fedha.

A video posted by millard ayo (@millardayo) on Jul 1, 2016 at 6:51am PDT

ULIKOSA ALICHOKIZUNGUMZA TUNDU LISSU BAADA YA KUPATA DHAMANA? UNAWEZA KUANGLIA VIDEO HII HAPA CHINI

Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>> INSTAGRAM TWITTER FB YOUTUBE