Baada ya watu kuhoji ishu ya kampuni ya Kidoti kutengeneza ndala ambazo ni maalum kwa wanawake na kuonekama kama amewasahau wanaume, 255 imemtafuta Jokate ambae amesema kutakuwa na brand maalum ya wanaume na wataanza kuzipata muda wowote.
Akizungumzia kuhusu bei ya ndala hizo kuwa juu amesema watu wanaochukua ndio wanapandisha bei kutokana na gharama za kwenda kuzichukua.
Msanii wa muziki Vee Money wiki hii anategemea kuachia ngoma mpya aliyomshirikisha Rapa kutoka Afrika Kusini KO, akizungumzia ngoma hiyo amesema ni wimbo unaohusu mapenzi ya dhati ambao ni maalum kwa watu wote wanaopendana.
Kuhusu kumshirikisha KO amesema alikuwa anatamani kufanya nae kazi kwa muda mrefu lakini hakuwa na uhakika kama atapata ushirikiano, lakini mwisho wake wakakubaliana na kufanya kazi.
Muigizaji Wema Sepetu amesema mitandao ya kijamii ina nafasi kubwa katika maisha yake hasa katika masuala ya utangazaji na kutolea mfano mtandao wa Instagram kwamba umerahisisha kazi kutokana na kutumiwa sana katika matangazo.
Wema amesema yeye ameweza kujua maduka mengi na vitu vingi kupitia mtandao huo na endapo mtu akitaka apost kazi yake kwenye page yake ni kama dola elfu moja au elfu mbili lakini inategemea na makubaliano watakayokuwa nayo.
Ili kusikiliza story zote za 255 bonyeza play hapa chini mtu wangu…
Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter, Instagram na Facebook ukijiunga na mimi kwa kubonyeza>>>twitter Insta Facebook
