Kwenye 255 ya leo Desemba 9 baadhi ya wasanii Belle 9, Country Boy na Nyandu Tozi ambao watakuwepo kwenye show ya ‘After School Bash’ tarehe 13 mwezi huu pale Escape 1 wamesikika wakizungumzia Maadhimisho ya Miaka 53 ya Uhuru ya Tanzania Bara (Wakati ule Tanganyika).
Wasanii hao wamehimiza Watanzania wote kujitambua, kujituma, kuitunza amani na kupigania maendeleo.
Picha zimeenea mitandaoni na kuwepo kwa taarifa za chini kwamba ‘Mwana Dar es Salaam’ ya Ali Kiba iko katika hatua za kuandaliwa video Afrika Kusini, lakini 255 ilitaka kujua wasanii ambao Kiba anawakubali ambapo katika listi yake amewataja Hussein Machozi, Mirror, Jux, Ben Pol, Mo Music, Linex kwamba ni baadhi ya wasanii ambao anawapenda kwa kuwa anawaona wanapita kwenye njia kama yake kwenye muziki.
Kutoka Nigeria kuna story kwamba aliyekuwa mwakilishi wa Nchi hiyo ndani ya #BBAHotshots, Tayo amepewa kiasi cha dola laki tatu na nusu kutoka kwa bilionea Ayiri Emami.
Kuna story kutoka Marekani kwamba Drake alipigwa na msanii mwenzake P Diddy wakiwa nje ya Club ambapo ilikuwa ikifanyika Birthday party ya Dj Khaled, japo inasemekana kuwa sababu ya ugomvi wao ilikuwa ni kupishana kauli kibiashara na sio wanawake kama ambavyo imekuwa ikisemekana mitandaoni.
Nitaendelea kukupatia kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>>twitter Insta Facebook
