Siku moja baada ya kupata taarifa za kifo cha shabiki mkubwa wa Yanga Ally Mohamed maarufu kama Ally Yanga, leo June 21 2017 Rais wa Jamhuri ya Muungano wa Tanzania Dr John Pombe Magufuli ametuma salamu za rambirambi kwa msiba huo.
Rais Magufuli ametuma salamu za rambirambi kwa familia, ndugu, jamaa na marafiki wa marehemu Ally Mohamed maarufu kama Ally Yanga na kukumbushia alivyomfahamu Ally Yanga kwa kuipenda na kuishabikia Yanga.
“Nimeguswa sana na kifo cha Ally Yanga, nilikuwa nae wakati wa kampeni za uchaguzi Mkuu wa mwaka 2015, ambapo alitoa mchango mkubwa katika uhamasishaji wa wananchi kukipigia kura chama changu cha CCM, pia amekuwa akiongoza mashabiki wenzake kuishabikia timu ya Yanga na timu ya taifa bila kuchoka” >>>> Rais JPM
“Natoa pole nyingi sana kwa familia yake, viongozi wa timu ya Yanga, wanamichezo wote, wana CCM na wote waliyoguswa na kifo cha Ally Yanga na namuombea kwa mwenyezi Mungu aipumzishe roho yake mahala pema peponi Amina” >>> Rais JPM
VIDEO: All Goals Taifa Stars vs Lesotho June 10 2017, Full Time 1-1
