Staa wa soka wa kimataifa wa Argentina anayecheza Man City ya England Sergio Aguero February 16 2018 ametangazwa kuwa mchezaji bora wa mwezi wa Ligi Kuu England EPL, hiyo ikiwa ni mara ya tano kwa yeye kushinda tuzo hiyo katika maisha yake ya soka.
Aguero ametangazwa mchezaji bora wa Ligi Kuu England wa mwezi January katika mwezi huo akicheza jumla ya game nne na kufanikiwa kuifungia Man City jumla ya magoli matano akiwa na wastani wa kufunga goli moja kila game, ushindi wa tuzo hiyo unamfanya Aguero kuungana na Robin van Persie na Wayne Rooney waliowahi kushinda tuzo hiyo mara 5.
Sergio Aguero alianza mwaka 2018 kwa kufunga goli moja katika ushindi wa Man City wa 3-1 dhidi ya Watford, akatoa pasi ya goli Man City ikipoteza dhidi ya Liverpool 4-3, akafunga hat-trick dhidi ya Newcastle ushindi wa 3-1, akafunga goli katika ushindi wa 3-0 dhidi ya West Brom.
VideoMAGOLI: Yanga vs Majimaji FC Feb 14 2018, Full Time 4-1
