Golikipa namba moja wa club ya Man United David De Gea ambaye alikuwa muhimili mkubwa kwa Man United kupata ushindi ugenini katika mchezo wa Ligi Kuu England dhidi ya Tottenham Hotspurs, De Gea alisaidia kuokoa michomo ya hatari 11 katika mchezo huo walioshinda goli 1-0 lililofungwa na Marcus Rashford dakika ya 44.
Kufuatia uwezo na kiwango cha hali ya juu anachoendelea kukionesha, David De Gea kwa sasa anasubiri kujua hatma yake ndani ya Man United kuhusiana na mkataba mpya, licha ya kuwa tayari imeripotiwa mazungumzo kuendelea baina ya club na mchezaji ya kumshawishi aongeze mkataba mpya wa kubakia Old Trafford.
De Gea anayelipwa mshahara wa pound 200000 kwa wiki na Man United, anaripotiwa kuhitaji mshahara wa pound 300000 katika mkataba mpya ambao utakuwa unajumuisha na bonansi zake za mechi, mazungumzo baina ya club na wawakilishi wa mchezaji huyo yamekuwa yakiendelea lakini bila muafaka kufikiwa ila taarifa za chini kwa chini zinadai kuwa kipa huyo hataki kubakia Man United.
Mpenja katangaza goli kabla ya kona kupigwa, ataomba kutotangaza game za timu yake
