Club ya Simba SC leo imeendeleza kucheza game zao za viporo vya Ligi Kuu Soka Tanzania Bara kwa kuwakaribisha Ruvu Shooting katika uwanja wa Taifa jijini Dar es Salaam, Simba waliingia kucheza mchezo huo wakiwa na kumbukumbu za kutoka kufuzu kucheza robo fainali ya CAF Champions League.
Pamoja na kuaminika kuwa wanaweza wakapoteza mchezo dhidi ya Ruvu Shooting au wakatoka sare kwa madai ya uchovu dhidi ya game yao ya mwisho ya makundi ya CAF Champions League dhidi ya AS Vita, Simba SC wameendeleza vichapo kwa kuifunga Ruvu Shooting kwa magoli 2-0.
Magoli ya Simba SC yalifungwa na Paul Bukaba dakika ya 53 na Meddie Kagere kwa mkwaju wa penati dakika ya 55 baada ya Adam Salamba kuchezewa faulo ndani ya 18, Simba SC wanaendelea kuwa nafasi ya 3 wakiwa na point 54 ila wana viporo vya game 7, Yanga anaongoza kwa point 67 na amecheza michezo 28 sawa na Azam FC wakiwa nafasi ya pili wakiwa na point 59.
Mashabiki wa Simba na Yanga waiongelea Simba VS AS Vita hapo kesho !!
