Fainali ilikua ni Jumamosi ya April 18 2015 ambapo shindano la Airtel Trace Music Stars lilifanyika Nairobi Kenya likiwa ni shindano la kumtafuta mkali wa kuimba ambapo zilishirikishwa nchi 13 kutoka Afrika na Mtanzania Nalimi Mayunga ndio akashinda.
Kivutio kingine kikubwa kwenye hili shindano lililoandaliwa na kituo kikubwa cha TV cha Ufaransa, TRACE Urban, kilikua ni Akon, mwimbaji maarufu aliyezaliwa St. Louis, Missouri Marekani miaka 41 iliyopita lakini maisha yake ya utoto yakapitia pia mikononi mwa Senegal.
Kwenye picha ya kwanza juu ni Akon akiwa Jaji pamoja na Lynnsha na Devyne Stephens ambao wakati Mayunga anaimba wimbo wa mwisho kabla ya mshindi kutangazwa, walisimama kwa ishara kwamba wamemnyooshea mikono Mtanzania huyu kwa ukali au kipaji kikubwa alichokionyesha kwenye uimbaji.
Super star huyu mpya amezaliwa ambapo miongoni mwa vitu atakavyovifanya ni kuungana na Akon kwenye studio yake huko Marekani kwa ajili ya kurekodi single yake ya kwanza (Mayunga)
Unaweza kusikiliza alivyoimba wimbo wa mwisho kabla ya kutangazwa mshindi kwa kubonyeza play hapa chini mtu wangu.
Unahitaji chochote ninachokipata kisikupite? jiunge na mimi kwenye Twitter, Facebook na Instagram kwa kubonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>> Videos ili kila video ya AyoTV ikufikie.
