Unaweza kuwaita ‘ndoto’ mbaya kwa mabeki wa timu tofauti barani ulaya – na katika siku za hivi karibuni wamepewa jina la utani ‘The MSN’ kwa maana ya kukusanya herufi za mwanzo za majina yao – Messi (M), Suarez (S), Neymar (N).
Mpaka kufikia sasa wakiwa wameshaisadia timu ya FC Barcelona kuingia katika fainali ya ligi ya mabingwa wa ulaya huku wakiwa wanakaribia pia kutwaa ubingwa wa La Liga – Messi, Neymar na Suarez mpaka sasa wameshaifungia FC Barcelona zaidi ya magoli 110 kwa msimu huu tu.
Lakini wakati timu yao ikiwa inakabiriwa na mechi ngumu dhidi ya Atletico Madrid wikiendi hii, mechi ambayo matokeo ya ushindi yataivisha rasmi Barca ubingwa wa La Liga – kuna taarifa kwamba Luis Suarez huenda akaikosa mechi hiyo kutokana na kupata jeraha la misuli ya paja katika mechi dhidi ya Bayern Munich.
Suarez amekuwa na msimu mzuri na FC Barcelona pamoja na kukosa mechi kadhaa kutokana na adhabu ya kufungiwa na FIFA kwa kosa la kumng’ata beki wa Italia Giorgio Chiellini.
Rekodi za ‘The MSN’ msimu huu
Unahitaji chochote ninachokipata kisikupite? jiunge na mimi kwenye Twitter, Facebook na Instagram kwa kubonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos ili kila video ya AyoTV ikufikie.
