Namba ya siku Pedro atakazoendelea kukaa ndani ya klabu ya FC Barcelona zinahesabika baada ya Rafinha kupewa nafasi ya kuanza katika kikosi cha kwanza kinachocheza na Sevilla katika Spanish Supercup. 
Pedro mwenye asili ya visiwa vya Canary, amekuwa akihusishwa na kujiunga na Manchester United na usiku wa August 11 Kocha Luis Enrique alimuweka benchi huku Mkurugenzi wa michezo wa timu hiyo Robert Fernandez amekiambia kituo cha Esport 3 kwamba Pedro ameomba kuhama.
“Pedro amenitaarifu rasmi kwamba anataka kuondoka, ila kwa sasa bado hatujapata ofa. Ikiwa kuna klabu inayomtaka basi itabidi walipe fedha ya kuweza kuvunja mkataba wake ambayo ni Pound Mil. 21“– Robert Fernandez.
Klabu ya Manchester United inaripotiwa kuwa kwenye mazungumzo ya kina na Barcelona na muda wowote kutoka sasa inatarajiwa wataafikiana juu ya uhamisho huo.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
