Msanii wa Bongo Fleva, Vanessa Mdee ni miongoni wa wasanii wa kike kwenye game ya muziki Tanzania ambao wanajituma sana kufanikisha malengo ya kutengeneza muziki mzuri… siku chache zilizopita Vanessa Mdee aliachia single yake mpya ‘Never Ever’, video yake ikiwa imefanyiwa pande za South Africa chini ya Director Justin Compos.
Mbali na hayo siku hizi biashara ya muziki sio idadi ya show tu bali hata utengenezaji wa video nzuri nayo ni sehemu muhimu sana kwenye kutengeneza muziki mzuri, video nzuri hutoa nafasi ya wimbo wa msanii kuchezwa kwenye vituo vikubwa vya TV, Africa pia huchangia kwa kiasi kikubwa kumpeleka msanii kwenye majukwaa mbalimbali ya kuwania tuzo mbalimbali.
Je, unajua Vee Money katumia kiasi gani cha pesa kutengeneza video yake mpya!? Inawezekana imekufikia au haijakufikia, lakini kama ilikupita ichukue hii… Vanessa Mdee amesema kwamba video yake mpya ‘Never Ever’ imetumia zaidi ya dola 20,000 kuifanikisha kwenye ubora wake, ambayo kwa pesa ya nyumbani tunazungumzia kiasi cha Tzs. Milion 40!
Kwa mujibu wa mtandao wa CloudsFM Vanessa Mdee alizungumza kuhusu video yake mpya ambapo pia alisema…
>>> “Video ya wimbo wangu wa Never Ever imenigharimu dolla elfu 20 sawa na Mill. 40 za Kitanzania nimefanya kwa producer Justin Compos, na malengo yangu bado sana hata sijafika ukurasa wa pili wa kitabu ninachoandika na matumaini ya kuvuka mipaka mingi zaidi…’’ <<< Vanessa Mdee.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE kwa kubonyeza hapa >>> INSTAGRAM TWITTER FB YOUTUBE
