Jumatano ya December 16 Ligi Kuu soka Tanzania bara imeendelea kwa mchezo mmoja kupigwa katika dimba la Mkwakwani Tanga. Mabingwa watetezi wa Ligi Kuu Tanzania bara klabu ya Dar Es Salaam Young African walikuwa wageni wa klabu ya African Sports ya Tanga.
Yanga ambao waliambulia sare ya bila kufungana katika dimba la Mkwakwani December 12 dhidi ya Mgambo Shooting, ilipata wakati mgumu kwa African Sport kwa dakika zote 90, hadi pale dakika za nyongeza ndio Yanga walifanikiwa kuibuka na ushindi 1-0 baada ya Thabani Kamusoko kutumia vizuri nafasi aliyoipata.
December 12 Yanga walicheza katika uwanja huo dhidi ya Mgambo Shooting na kuambulia sare ya bila kufungana. Kwa matokeo hayo African Sports inafikisha jumla ya mechi 9 ilizofungwa na kuendelea kusalia mkiani ikiwa na point 4. Yanga inarejea kileleni baada ya ushindi huo kwa kufikisha point 27.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa>>>INSTAGRAM TWITTER FB YOUTUBE.
