Mshambuliaji wa kimataifa wa Sweden ambaye ametwaa tuzo ya mchezaji bora wa Sweden mara 10 Zlatan Ibrahimovic anataka kuondoka katika klabu yake ya Paris Saint Germain ya Ufaransa. Mshambuliaji huyo ambaye mkataba wake unamalizika mwezi June 2016 na anatajwa kutaka kuhama klabu hiyo.
Sababu za Zlatan Ibrahimovic kutaka kuihama klabu ya PSG, ni kutokana na kutotwaa taji la Ligi ya Mabingwa Ulaya, hivyo kama safari hii wasipotwaa taji hilo huenda akaamua kuihama klabu hiyo. Kufuatia uwezekano wa kutaka kuondoka kwa staa huyo, nahodha wa klabu ya PSG Thiago Silva anataka kuhakikisha wanatwaa ubingwa na Zlatan asiondoke.
“Zlatan amekuwa na misimamo tofauti kidogo katika mambo yake, huwa sio mtu wa kupenda kumsema mtu pembeni kama anataka kumsema mtu anamfuata ana kwa ana, kitu ambacho nafikiri ni kizuri sana. Wakati mwingine watu kwenye Tv wanaweza kumuona kiburi, kiukweli ni moja kati ya wachezaji bora niliowahi kucheza nao na Zlatan bado ana umuhimu sana kwa PSG hivyo tutapambana kuhakisha tunafanya vizuri kwa asilimia 100 tukishirikiana” >>> Thiago Silva
Mshambuliaji huyo wa kimataifa wa Sweden hajashinda taji lolote la Ulaya akiwa na PSG na msimu uliopita walitolewa katika hatua ya mtoano na bingwa mtetezi wa Kombe hilo FC Barcelona. Hivyo Zlatan ambaye ana umri wa miaka 34 anatajwa kutaka kutwaa mataji zaidi lakini Silva bado anahitaji kuendelea kucheza nae timu moja.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
