Kocha wa Man United Louis van Gaal bado anahangaika kutetea kibarua chake kwa kuhakikisha kuwa timu ya Man United inafanya vizuri, Louis van Gaal anatajwa kuwa katika mikakati ya kuhakikisha Man United inamaliza ikiwa nafasi nzuri, kitendo ambacho huenda kikawafanya viongozi wa Man United kubadili mawazo.
February 8 ikiwa zimepita saa 24 toka uchezwe mchezo kati ya Man United dhidi ya Chelsea, kocha wa Man United Louis van Gaal kaamua kumshusha Memphis Depay katika kikosi cha wachezaji wenye umri chini ya miaka 21, Van Gaal amemshusha staa huyo na atacheza katika mchezo kati ya Norwich City usiku huu, lengo likiwa ni kutaka aongeze kiwango kutokana na kutofanya vizuri katika mchezo wa February 7 dhidi ya Chelsea na kumalizika kwa sare ya goli 1-1.
Depay aliyesajiliwa dirisha kubwa la usajili la mwezi wa August 2015 kwa dau la pound milioni 25 akitokea klabu ya PSV Endhoven ya kwao Uholanzi, amekosolewa na wachambuzi na mashabiki wa soka kwa kuonesha kiwango kibovu katika mchezo dhidi ya Chelsea. Depay Jumamosi ya February 13 2016 atatimiza rasmi umri wa miaka 22.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>> INSTAGRAM TWITTER FB YOUTUBE
