Kamati ya Kata ya Ubungo ikiongozwa na Meya wa Ubungo Boniface Jacob wameamua kumpa zawadi ya heshima mchezaji wa Tottenham Hotspurs na nahodha wa timu ya taifa ya Kenya Victor Wanyama jina lake litumike katika mtaa, hiyo wakati wa mapumziko wa game ya Sports Extra Ndondo Cup 2017.
Kuanzia leo Jumamosi ya June 24 2017 mtaa wa viwandani ambao unaelekea maeneo ya uwanja wa Kinesi Sinza utakuwa unajulikana kwa jina la Victor Wanyama kwa heshima ya mchezaji huyo ambaye ni mfano wa kuigwa Afrika Mashariki, Wanyama leo alikuwa ni miongoni mwa watanzania waliyojitokeza kuangalia game ya Ndondo Cup 2017 kati ya Faru Jeuri dhidi ya Kauzu FC.
Kama utakuwa unakumbuka vizuri Victor Mugubi Wanyama ni miongoni mwa wachezaji waliyoisaidia Tottenham Hotspurs kumaliza nafasi ya pili katika msimamo wa Ligi Kuu England msimu uliyomalizika.
