Jumamosi ya August 5 2017 uwanja wa Taifa Dar es salaam club ya Dar es salaam Young Africans ilicheza mchezo wa kirafiki dhidi ya Singida United ambao wamepanda daraja msimu huu na watacheza Ligi Kuu msimu wa 2017/2018.
Singida ambao wanafundishwa na kocha wa zamani wa Yanga mholanzi Hans van Pluijm wameonesha kwa utabiri wa wengi kuwa wataleta ushindani katika Ligi Kuu, baada ya kuonesha soka safi dhidi ya Mabingwa watetezi.
Yanga imefanikiwa kuifunga Singida United kwa magoli 3-2, magoli ya Yanga yakifungwa na Thabani Kamusoko, Amissi Tambwe na Emmanuel Martin wakati magoli ya Singida yamefungwa na Shafik Batambuze na Danny Usengimana.
Singida imeonesha kiwango kizuri na kuwa na madhara katika lango la Yanga kiasi ambacho walifanikiwa kupata penati mbili lakini walikosa zote, kocha wa Singida Hans van Pluijm licha ya kupoteza game ameonesha kuridhishwa na uwezo wa timu yake ambayo imecheza kitimu zaidi.
VIDEO: Gor Mahia vs Everton: Full Time 1-2 (ALL GOALS JULY 13, 2017)
