Simba SC club leo Jumamosi ya August 26 2017 imecheza mchezo wake wa ufunguzo wa Ligi Kuu Tanzania bara msimu wa 2017/2018 dhidi ya Ruvu Shooting katika uwanja wa Uhuru Dar es Salaam.
Mchezo wa ufunguzi wa Simba dhidi ya Ruvu Shooting umekuwa mchezo wa kwanza wenye magoli mengi, baada ya Simba kufanikiwa kupata ushindi wa magoli 7-0, Emanuel Okwi akifunga hat-trick, ushindi huo sasa unatimiza ahadi ya afisa habari wao Haji Manara kwa Masau Bwire kwani aliahidi wataifunga zaidi ya magoli matano na kama isingetokea angetoa milioni tano.
Simba walianza kufunga goli la kwanza kupitia Emanuel Okwi aliyefunga magoli 4 dakika ya 18, 22, 35 na 58, Shiza Kichuya 42, Juma Luzio 45+2 na Erasto Nyoni akafunga goli la mwisho dakika ya 81.
Ushindi huo sasa Simba waknauwa kieleni mwa msimamo wa Ligi Kuu kwa kuwa na point tatu na magoli saba, hivyo wanaongoza kwa tofauti ya magoli, baada ya leo kuchezwa michezo saba ya ufunguzi, kesho mabingwa watetezi Yanga watacheza mchezo wao wa ufunguzi dhidi ya Lipuli FC katika uwanja wa Uhuru.
Matokeo ya mechi saba za VPL zilizochezwa leo Jumamosi ya August 26 2017
- Simba 7-0 Ruvu Shooting
- Mwadui FC 2-1 Singida United
- Ndanda FC 0-1 Azam FC
- Kagera 0-1 Mbao FC
- Njombe 1-2 Prisons
- Mbeya City 1-0 Majimaji
- Mtibwa Sugar 1-0 Stand United
HAT-TRICK YA OKWI ILIYOOKOA MILIONI 5 ZA MANARA
