Ligi Kuu Tanzania bara leo Jumapili ya February 4 2018 imeendelea tena wekundu wa Msimbazi Simba wakishuka uwanja wa Uhuru kucheza dhidi ya wenyeji wao Ruvu Shooting katika mchezo wa mzunguuko wa pili wa Ligi.
Huu ni mchezo wa 16 wa Simba ambao baada ya kukosa taji la VPL kwa muda mrefu wamezidi kudhihirisha kulihitaji Kombe hilo, Simba leo wamefanikiwa kupata ushindi wa magoli 3-0, magoli ya Simba yakifungwa na John Bocco aliyefunga magoli mawili dakika ya 21 na 71 na Mzamiru Yassin dakika ya 66.
Simba sasa ushindi huo umeifanya kuendelea kuongoza Ligi kwa kufikisha jumla ya point 38, magoli ya kufunga 38 na hadi sasa wakiruhusu kufungwa magoli sita pekee, Azam FC wanafuatia wakiwa nafasi ya pili kwa kuwa na point 33 hivyo mchezo wao unaofuata dhidi yao utakuwa kama fainali kwao.
Hata hivyo nidhamu ya wachezaji wa Ruvu Shooting ilikuwa chini kiasi cha kufikia kuoneshwa kadi mbili nyekundu kwa Mau Bofu aliyempiga kiwiko Okwi na Adam Ibrahim ambao wote walioneshwa kadi nyekundu kwa kufanya madhambi.
Okwi amedaiwa kupoteza fahamu uwanjani baada ya kupigwa kiwiko
