Staa wa soka wa Juventus na timu ya taifa ya Ureno Cristiano Ronaldo ameamua kufunguka na kueleza furaha yake aliyonayo kuichezea Juventus ya Italia ikiwa ni miezi michache imepita tokea staa huyo ajiunge na wababe hao wa Turin.
Ronaldo ambaye alidaiwa kuwa na wakati mgumu chini ya Rais wa Real Madrid Fiorentine Perez na kudaiwa kuwa hawana maelewano mazuri kiasi cha staa huyo kuamua kuondoka, kwa madai Perez alikuwa ameanza kumchukulia poa, Ronaldo leo amekomelea msumari tuhuma hizo baada ya kusifia na kufurahia maisha mazuri akiwa na juventus.
“Wachezaji hapa ni wanyenyekevu na wanacheza kwa ushirikiano na imekuwa vizuri sana, naweza kusema hii ni nzuri kuwahi kuichezea tunacheza na kuishi kitimu ukilinganisha na baadhi ya timu ambapo kuna wachezaji wanajihisi wao ni bora kuliko wenzao, hapa kila mmoja mnyenyekevu Dybala na Mandzukic wanaweza wasifunge lakini bado wakawa na furaha”>>>Ronaldo
Ronaldo aliondoka kwa uhamisho wa kushitukiza kutoka Real Madrid na kujiunga na Juventus msimu huu kwa ada ya uhamisho wa euro milioni 100, Ronaldo ni miongoni mwa wachezaji wa Juventus walioiongoza katika Serie A kucheza michezo 15, kushinda 14 na kutoka sare mchezo mmoja pekee wakiwa hawajapoteza game.
MO Dewji alivyojitokeza Taifa kwa mara ya kwanza baada ya siku 49 toka atekwe
