Mashabiki wa Manchester United waliokua na hasira jana usiku walimgeuka kocha wao wa zamani Sir Alex Ferguson baada ya kushuhudia timu yao ikipigwa na mahasimu wao Manchester City katika uwanja wao wa nyumbani Old Trafford.
Vijana wa Manuel Pellegrini waliwatandika United 3-0 kupitia magoli ya Yaya Toure na Eden Dzeko na kuzidi kuwaondolea vijana wa Moyes kupata hata nafasi ya kushiriki michuano ya Ulaya msimu ujao.
Ripoti zinasema mashabiki wa United waliamua kuhamishia hasira zao kwa Ferguson ambaye ndio aliyemteua Moyes kumrithi kama kocha wa Manchester United.
Ferguson ambae alikuwa jukwaani akitazama mchezo, alitupiwa maneno ya kejeli kuhusu uamuzi wake wa kumkabidhi timu Moyes ambapo wakati huohuo imeripotiwa Moyes alikuwa akitukanwa kabisa na mashabiki kadhaa waliokuwa karibu yake.
Hali ilizidi kuwa mbaya baada ya mashabiki kutaka kulishusha bango lenye picha ya Moyes liliopo katika jukwaa la Stretford End ambalo limeandikwa ‘The Chosen One’ yaani ‘Aliechaguliwa’ lakini polisi wa kulinda amani uwanjani walifanikiwa kuzima hilo jaribio la mashabiki.
