Ndege ya Ukraine iliyokuwa imebeba watu 180 pamoja na Wafanyakazi wake imeanguka karibu na Mji Mkuu wa Iran, Tehran dakika tatu baada ya kuruka ikitokea katika Uwanja wa ndege wa Kimataifa wa Khomeini.
Katika video ambayo haijadhibitishwa iliyowekwa na Shirika la Habari la BBC inaonesha ndege hiyo, inayaodaiwa kuanguka baada ya kupata tatizo la kiufundi, ikiwaka moto angani kabla kutokea kwa mlipuko mkubwa na kuanguka.
Hakuna taarifa zozote za kuhusu majeruhi au vifo hadi sasa ila video na picha zinazowekwa katika Mitandao ya Kijamii zinaonesha hakuna mtu yeyote aliyepona.
Timu ya Uchunguzi ipo katika eneo la tukio ambapo ndege hiyo PS752 aina ya Boeing 737-800 imeonekana imeanguka baada ya kufikia urefu wa Futi 7,925 kutoka usawa wa Bahari.
Kuanguka kwa ndege hiyo kunakuja saa kadhaa baada ya Iran kurusha makombora yake kushambulia Kambi mbili za Jeshi za Marekani zilizopo Iraq ikiwa ni kujibu mapigo ya kuuawa kwa Jenerali Qassem Soleimani.
SHUHUDA AELEZEA GHOROFA LILIVYOTEKETEA KWA MOTO MWANZA
