Wakati mashindano ya michezo mbalimbali ya majeshi yanatarajiwa kuanza Agosti 4 mwaka huu jijini Dodoma, benki ya NBC imetoa msaada wa vifaa vya michezo kwa Jeshi la Wananchi wa Tanzania ili kusapoti jitihada za jeshi hilo katika sekta michezo.
Vifaa hivyo vikiwamo viatu vya michezo, mipira, jezi pamoja na vifaa vingine vya michezo mbalimbali vilikabidhiwa kwa Mwenyekiti wa michezo Kanda ya Ngome, Kanali David Mziray, na Meneja wa NBC tawi la Dodoma, Bi Happiness Kizigira.
Akizungumza baada ya kukabidhiwa vifaa hivyo, Kanali Mziray alisema vitasaidia kuongeza hamasa kwa wachezaji wa timu za JWTZ ambao wamepania kuchukua vikombe mbalimbali vya mashindano hayo.
“Kupatakwa vifaa hivi kutawasaidia wachezaji wetu kuongeza hamasa zaidi kwenye mashindano hayo ambayo timu zetu zimepania kunyakua makombe yote,” Mziray.
Menejawa NBC tawi la Dodoma Happiness Kizigira akizungumza baada ya kukabidhi vifaa hivyo, alisema wametoa vifaa hivyo kutokana na kuwapo na Ushirikiano katiya benki hiyo na jeshi la wananchi.
“Benki ya NBC tumekuwa na mahusiano mazuri ya muda mrefu na Jeshi la Wananchi na kwakuwa mwezi ujao wenzetu watakuwa na jambo lao hapa Dodoma ambalo kimsingi tunawaombea mafanikio sana tumeona ni vema tuwaunge mkono ili mambo yaende vizuri zaidi,’’ Kizigira.
Kizigira alisema vifaa hivyo wamevitoa Makao Makuu ya Jeshi kwa lengo la kuwezakuwafikia wanamichezo wote wa jeshi hilo ambao watashiriki mashindano hayomwaka huu.
