Usiku wa kuamkia June 30, 2022 Mkurugenzi na Msimamizi wa kampuni ya Str8upvibes, Sniper Mantana aliacha maswali yasiyo na majibu mashabiki hususani wapenda burudani baada ya kuweka picha kwenye mtandao wa instagram ikimuonesha akiwa na msanii wa Nigeria aitwae Kizz Daniel huku ameambatanisha na ujumbe ambao unaoashiria huenda siku zijazo kukawa na habari njema kwa wapenzi wa muziki hapa Tanzania.
IKUMBUKWE Sniper Mantana ameshawahi kuingia kwenye rekodi za kuwaleta wasanii wakubwa kutoa burudani wakiwemo Burna Boy, Omarion, Joe Boy , Kranium , Rotimi , Mr Eazi, Tekno, Banky W , Maleek Berry , Liquid Deep, World, Singah na wengineo
Kutokana na uzoefu wake na umahiri wa kuwaleta wasanii wakubwa nchi basi hii inawapa majibu wapenzi wa burudani kwamba hakuna linaloshindikana kwa Sniper Mantana kumleta Kiss Daniel kwahiyo huenda tuwe na utayari kile kitakachofuata kuanzia sasa.
Kizz Daniel anatajwa kuwa miongoni mwa wasanii wanaotamba kwasasa na hit single akiwa na Tekno iitwayo Buga.
Na kupitia Mtandao wa Youtube wimbo huo umeshatazamwa na watu zaidi ya Milioni 11,458,163 tangu ulipowekwa mwezi June 22 Mwaka huu.
Endelea kukaa karibu na Millardayo.com pia subscribe channel ya Millardayo Youtube tutaendelea kukujuza zaidi kila habari inayotufikia.
