Tukio kubwa la boxing lililokuwa likisubiriwa kwa hamu nchini Tanzania litakalowakutanisha mabondia hapa nyumbani Ibrahim Class na Gustavo Pina Melgar kutoka Mexico, litafanyika katika ukumbi wa “Next Door” Dar es salaam September 30 2022.
Pambano hilo linaandaliwa na Mo Boxing na linalitarajia tukio hili kuwa fursa kubwa kwa mabondia wa Tanzania na Afrika kwa ujumla kuweza kufika kileleni na kuwa mstari wa mbele katika ulimwengu wa kukuza mchezo wa boxing kufikia sawa kama ilivyo mchezo wa mpira wa miguu.
Muanzilishi wa MO Boxing Mohammed Dewji (MO) amesema: tumefurahi kuzindua lebo ya Mo Boxing Promoshen itakayosaidia ndondi za Afrika kwa ujumla. Dhumuni kubwa ni kukuza ndondi za Afrika kwenye jukwaa la kimataifa, kuukuza mchezo wa ndondi na kuifanya Tanzania kuwa kitvu kwa Afrika”
Kwa upande wa matukio makuu bondia mtaalamu nchini Ibrahim Class pambano lake dhidi ya Gustavo Pina mwenye ubobevu katika fani hii ndio litakuwa main card, wakifuatiwa na mapambano kati ya Alfred Lamptey – Namba 1 toka Ghana katika uzito wa WBO bingwa wa dunia kwa vijana na Abraham Ndauendapo uzito wa WBC bingwa wa Fedha wa dunia. Wengine wenye vipaji chipukizi ni kama Juma Choki, Jose Hernandez, Nicholas Mwangi na Emmanuel Mwakyembe. Tamasha hili halitavutia tu mashabiki toka Afrika bali litakuwa la kimataifa.
Kwa upande wa ndondi za kawaida tutakuwa na Sultan Al Nuaimi (rekodi: 8-0-0, 5 KO) atakaekutana na Haji Juma Mwalugo (rekodi: 18-18-5, 9 KO), Sameer Anwar (rekodi: 4-1-0, 3 KO) dhidi ya Mustapha Dotto (rekodi: 22-27-6, 10KO), Sadra Mohammed (rekodi: 2-2-0, 0KO) dhidi ya Lulu Kayage (7-8-3, 2KO)
Bw Ahmed Saddiq wa Mo Boxing nae amesema: sisi tumekuza ndondi toka chini mpaka ilipo sasa kwa nchi za Falme za Kiarabu (UAE) na Kazakhstan, na sasa lengo letu ni kuipandisha Afrika katika Nyanja za kimataifa.
Mo Boxing Promotion ni muendelezo utakaohusisha vipaji vya kitaifa na kimataifa kote barani Afrika na duniani. Tamasha letu hili la mwezi Septemba limefanikiwa kwa hisani ya wadau tofauti wakiwemo Bajaj Group Tanzania (pikipiki za Boxer) kama wadhamaini wakuu, hoteli ya Whitesands, Kampuni ya Aone kupitia kinywaji cha Mo Xtra na wauzaji wa tiketi Otapp.
