Rais wa Jamhuri ya Muungano wa Tanzania, Dkt. Samia Suluhu Hassan amewakaribisha chakula cha Jioni Yanga SC kesho June 05,2023 Ikulu Dar es salaam kama sehemu ya kuwapongeza kwa hatua waliyofikia kwenye michuano ya Kombe la Shirikisho Afrika ambapo Klabu hiyo imefika fainali na kutunukiwa medali kama Mshindi wa pili.
Msemaji Mkuu wa Serikali Gerson Msigwa amenukuliwa akisema “Rais Dkt. Samia anawapongeza kwa dhati Yanga kwa namna ambavyo mmepambana jana hivyo ameamua kuwapa heshima Wananchi ameamua kuwakaribisha katika chakula cha jioni kesho June 05,2023 Ikulu Dar es salaam”
“Kwahiyo Yanga watapata chakula hicho pamoja na Rais Samia kwa heshima ya kutambua mchango wao mkubwa na kazi kubwa waliyoifanya”
Itakumbukwa kwamba licha ya kuifunga USM Alger bao moja kwa sifuri hapo jana kwenye mchezo wa marudiano, Yanga ilishindwa kubeba kombe kutokana na faida ya ushindi wa USM Alger ugenini ambapo katika mchezo uliopigwa Dar es Salaam USM waliibuka kidedea 2-1.
